Selasa, 11 Mei 2010

Tigo Luhah Siulak Tanah Sekudung


Tigo luhah tanah sekudung:
1.Depati intan di siulak mukai
2.Depati mangku bumi di siulak panjang
3.Rajo simpan bumi di siulak gedang
Depati intan berempat orang:
1.Depati intan tengah padang tudung negri koto jiwa
2.Depati intan pagar bumi jati alam batuah
3.Depati intan kumbalo bumi
4.Depati intan maro basumai
Permentinyo tigo orang:
1.rajo indah
2.rajo liko
3.rajo penghulu
Apo kagedeng dio,anak tuo cucu tuo.jauh rajo kaganti rajo parak rajo kabayeng rajo,apo pangkat rumah gedang dio situ tataruh ambang yang liba situ tasangkut pukat yang panjang,pancung sulo dendo sakti,munting breh mengendap ke dalam,tebu panjang keladi berisi,apo pusako titaruh di situ namonyo cap karang hindu namonyo ulak piagam belang namonyo rak warno intan kum segalo bumi rajo
Depati mangku bumi berempat urang:
1.Depati mangku bumi suto menggalo
2.Depati mangku bumi tanah mendapo
3.Depati mangku bumi karang setio
4.Depati mangku bumi kulit putih suko berajo
Permenti nyo duo orang:
1.Rio mudo mangku bumi
2.Serajo tumbuk krih
3.Temenggung tuo susun negeri
Apo kagedeng dio,memegang kerat Kudung gabung tanah, Megangkan Gunung Muncak Luhah Dalam, Imbo dingan Mandawo,dio duduk dipintu gedang dio bajuntai dipintu kcik,kedarat ba bungo kayu, apo lah pangkat umah gedang dio umah hutan umah tanah,apo pasko titaruh disitu, situ tataruh Tembo Utan Tembo Tanah, situ Tataruh  kain cabuh talukih cindai agam,bagumbak mas babaju perak kain segabung tigo sekerat tinggan di Koto Payang dirumah pusako Rajo Hitam Tanah Mendapo tunggu balai beratap ijuk lik maro sekungkung mati,sekerat balik ke koto beringin luhah jagung merajo indah sungai langit depati merajo
Rajo simpan bumi berempat urang:
1. Rajo simpan bumi hampa setio alam
2. Rajo simpan bumi tunggun setio alam
3. Rajo simpan bumi karang setio tanah indopuro
4. Rajo simpan bumi tudung setio alam putih
Permentinyo
Serajo Tunggan
Sulah Putih Telawang Lidah

Apo kagedeng dio, ka ayi babungo ayi, ka rimbo babungo kayu, apolah pangkat umah gedang dio umah gedang umah pasusun, panyusun kito yang duo luhah, apo pasko titaruh disitu naruhkan lantak ngan idak guyih, kait ngan idak sekah, naruhkan kain curing langit , naruhkan kain Sunsang barat, naruhkan kungkung padi yang amat gedang naruhkan teropong yang amat terang cermin yang idak kabur ,nyeminkan kito yang duo luhah.
Comments
4 Comments

4 komentar:

Yulef Dian mengatakan...

Assalamualaykum,
Iluk nian blog iko wik. ditunggu update berikutnyo
Trimo kasih artikel nyo, sangat bermanfaat. Bangga raso jadi uhang tanah sekudung.

Hafiful hadi Sunliensyar mengatakan...

trima kasih......

aditya nugraha mengatakan...

Assalamualikum.. Sangat bermanfaat sekali artikel nyo . tapi saya masih penasaran dengan cerita asal usul depai jangut digoogle tidak lengkap . mohon kira nya anda membantu .karena alm. Kakek saya bercerita nenek puyang kami ialah depati janggut bukti dgn ada nya benda peninggalan depati berupa pedang .wassalamualaikum

Hafiful Hadi Sunliensyar mengatakan...

Terima kasih...
Sepengetahuan saya, Depati Awal Depati Janggut ada di Sungai Liuk, yang berada dalam Mendapo Rawang,
Di Rawang sendiri bediri dua Kemendapoan yakni Mendapo Tap dan Mendapo Balun sehingga sistem pemerintahannya di sebut dengan Depati duo Nenek. Adapun Depati Awal, Depati Janggut berkait hubung dengan Koto Baru berasal dari Koto Bingin