Minggu, 30 Mei 2010

KERINCI BELUM DI HUNI MANUSIA

1.Belum banamo Riang tinggi agi banamo koto jelatang,ditunggu nenek batigo orang:
1.Nenek panglimo bayang allah,Bagindo yanti,paribut sakti.
2.Sungai penuh belum banamo sungai penuh agi banamo padang imbo luling,di tunggu nek siak lengih bakoto di koto pandan bapondok di pondok tinggi
3.Sungai liuk belum banamo sungai liuk agi banamo sungai iluk,di tunggu depati marajo,bakoto dikoto lolo,bapondok di sungai iluk
4.kemantan belum banamo kemantan agi banamo talang banio,di tunggu nenek ngermat besi
5.Semurup belum banamo semurup agi banamo koto payung semurup tinggi,ditunggu nenek rajo besar,bakoto di koto payung,bapondok ka batu panyurat rajo
6.koto ingin ditunggu nenek pariman cayo
7.Siulak belum banamo sulak agi banamo rantau kabun kabun,masuk nenek kito batigo urang:
-nenek mangkudum wali sakti,tatepat dio di koto batu
-nenek mangkudum wali semat,tatepat dio di koto jering
-nenek mangkudum darat tinggan di guguk tinggi,barulang mandi ke sungai keliki,barusik ke sungai lingkat,dio balik ke betung berdarah.

Kamis, 13 Mei 2010

Tambo Depati marajo

Depati marajo duo beradik:
1.Depati Marajo Hitam,beliau tinggan di sungai liuk,ngingatkan pelak ngan sembilan jumpuk,kelapo sembilan batang,tebat sembilan panggung,arah sembilan bidang
2.Depati Marajo Tuo Payung Alam balik ketanah Siulak menepat ka dusun koto beringin ujung tanjung Malako Kcik terus ka  dusun tanjung merkah kembang dusun tanjung beringin sunsang,di muaro sungai numbuk.
Siapo menyusuk siapo nyeluang siapo menyencang siapo meleteh iolah depati merajo tuo,kedarat bapayung alam,dio membuat pangkan arah,baru ado pangkan arah di mudik dusun koto jiwa,siapo mengirit empai tali menukun lantak iolah nenek rajo liko.sapo menukun lantak iolah nenek datuk,kcik idak basebut gela gedang idak basebut namo,sado dilingkap arah seratus,mano di kato arah seratuh,hilir dusun koto jiwa,lah tumpun ayi mukai,lujung tempat puti seterus mato,mudik sikubu bejajar tigo
Menarah kekoto batu,singgah menutuh daun sikai
Mano dikato arah seratus,belakang dusun siulak mukai
Mudik nenek kito depati merajo itam ke darat bapayung alam tatepat kepayang bajajar tigo,lah mudik pematang lentik,lah tengah kapalok ala panjang,apo maksud ala panjang untuk mengaye arah seratus
Nak naki koto yelalang
Singgah menutuh daun sikai
Mano dikatokan ala panjang
Mudik dusun siulak mukai
Mano di kato ala pandak
Mudik dusun siulak kcik

Tambo depati mangku bumi

Bermulo nenek kito imam bajeli turun di koto jeli barusik di koto jering beranak limo urang perempuan:
1.gento menggalo dio balik ka sulak gedang
2.gento meh balik ka sulak panjang
3.gento alat balik semurup di koto mudik
4.gento asing balik koto majidin
5.gento ayun balik kakoto payang
Gento meh kawin dengan menggung tuo susun negri anak tuanku mangkudum semat ngan nenek selayu dari sumanik batu sangkar mako beranak 4 urang,satu jantan tigo batino:
1.mat catah
2.salih hitam muretap bumi
3.salih kcik mendering sakti
4.salih kcik selayang mirat
Mat catah dio lah yang bersembah ke tanah jambi menghadap rajo dari jambi mako mendapat gelar pusako depati mangku bumi kulit putih suko burajo.

Selasa, 11 Mei 2010

Siulak mukai luhah depati intan

Sulak mukai kalbu yang limo,enam ngan koto beringin ditunggu depati balimo orang:
1.depati intan tengah padang
2.depati pagar bumi jati
3.depati intan kumbalo bumi
4.depati sengado
5.depati paduko rajo
Manolah uteh bateh depati sengado dengan depati intan kumbalo bumi,diatas batu bap├Čntu,lah tengah lantak mas tujuh bedarik,lah bawah tempat puti seterus mato,kalu sebelah mudik arah dio depati intan kumbalo bumi,kalu sebelah hilir arah dio depati sengado
Manolah uteh bateh depati intan kumbalo sri dengan depati intan pagar bumi jati kalateh sungai angat samo tengah sungai bacipang tigo,tepat ka alu bajajar tigo,kalu singgok itu mudik ingatkan dio depati intan pagar bumi jati
Depati intan pagar bumi jati kalbu yang tigo:
1.dpt pagar bumi jati
2.depati intan susun negeri
3.depati intan nyalo negri,
Ado pasko tataruh di situ iolah cundik belang pandai merangkak
Depati intan tengah padang kalbu nyo duo
1.depati intan tengah padang
2.depati intan kualo jambi
3.depati intan tanah mentaram ado pusaka tataruh di situ namo nyo cap karang hindu
Depati intan 3 beradik
1.depati intan kumbalo bumi
2.depati intan maro basumai
3.depati intan alam pangku
Ado pusako tataruh disitu iolah bayang iwan batali suto
Depati sengado kalbu yang 3
1.depati sengado susun negri
2.depati sengado jahit negri
3.depati sengado dinding negeri
Rajo sulah kalbu yang 4
1.sulah putih
2.sulah kudrat
3.sulah panjang belang
4.sulah besar,depati nyo duo orang
1.depati sengado
2.depati penawa
Rajo kamulu kalbu yang 3
1.rajo kamulu tuo
2.rajo kamulu putih
3.rajo kamulu bendar kayo,depati nyo depati intan maro basumai
Arah dio hilir batu bajajar duo tempat siamang mati berayun mudik senggok ladeh gunung berapi ingat jajar serajo tuntut gedang
Ado pasko titaruh di situ namonyo kendi batu manek pasbah tungkat paci
Datuk itu dibagi 3
1.datuk dewo nyato,depati paduko rajo permenjati hampa pusako
2.datuk menti,depati paduko rajo permadani hampa pusako
3.datuk agung pangulu,depati paduko rajo tiang setio
Ado pasko titaruh disitu iolah piuk gedang ksu suaso,tanah sikepen jawa mataram umput antai umput pusmat,kain panjang cabuk berukir,sekali kipeh ka hilir tampak treh tarunjam di tanah abang,sipanigeng tanah mentawi.
Koto beringin kalbu yang tigo
1.depati sungai langit gedang
2.depati mandaro udo
3.depati marajo Tuo
Permenti nyo duo orang:
1. Rajo pilih
2. Jagung merajo indah
Ado pusako tataruh disitu iyolah bungkan gigit lepo yang amat panjang,gantang yang amat gedang
Mano arah depati sungai langit,hilir benda sipineng.mudik muaro sungai pauh,di ujung kemintan bacipang empat,ke air ka air gedang...

Pemerintahan Adat : Siulak Panjang Kelebu Yang Tigo





 


Tabuh Sigegar Bumi di Buat Tahun 1901 M
berada di tengah Negeri Siulak Panjang


Salah Satu Bilik Padi di Dusun Siulak Panjang
                           Salah Satu Larik di Desa Siulak Panjang

umah Gedang Umah Pasusun Depati Mangku Bumi


Siulak panjang kalbu yang tigo:
1. Kelebu Gedang, Depati Agung Jindah Putih
2. Kelebu Tengah, Rajo Simpan Bumi Hampa Setio
3. Kelebu Mudik/Khat Mudik, Depati Mangku Bumi Kulit Putih Suko Dirajo
Luhah yang tigo
1. Luhah Temenggung Mudik
Depati ;
Depati Mangku Bumi Kulit Putih Suko Dirajo
Depati Mangku Bumi Susun Alam
Depati Mangku Bumi Payung Alam
Permentinyo
Temenggung Tuo Susun Negeri
Rio Mudo Mangku Bumi
Rio Mudo Pengapit
Pemangku nyo
Pumangku Rajo
Temenggung Titin Rajo
Apo Kagedeng Diyau, megangkan kerat Kudung gabung Tanah, apo pangkat Umah gedang diyau Umah Utan Umah Tanah, Apo Pusako titaruh Situ
Naruhkan Tembo Utan Tembo Tanah, naruhkan Kris Sepuh Derajat, Naruhkan cunding Gading, Jatah jati Rupo, Pilak Indah taring Mustiko

2. Luhah Temenggung Hilir
disebut pula kelebu Gedang terdiri dari 13 Perut
Depati :
Depati Agung Tuo
Depati Agung Putih
Depati Agung Susun Negeri
Permentinyo :
Temenggung Adil Bicaro
Jindah Putih Tabin negeri
Temenggung Hadir Kayo
Pemangku :
Patih Adil Bicaro
Apo Kagedeng Diyau, Ingatkan Undang dingan Teliti, Megangkan Pancung Sulo Dendo Sati, Megangkan Surat Katubah Panjang, megangkan Musajid Mamuncak satu bajurai empat. Apo Pusko tataruh Situ
Naruhkan Gendang Emas batali Suto, naruhkan Cap karang Indu, naruhkan Suhat Temat Idak babarih, Ado babarih Segedang kaki Nyamok.

3. Luhah Serajo
Orang dalam Luhah ini bercampur dari  Siulak gedang ( Luhah Serajo) dan dari Luhah Temenggung Hilir
Depati :
Depati Rajo Simpan Bumi Hampa Setio Alam
Depati Sengalo
Permenti :
Temenggung Pasak Negeri
Sirajo Tunggan
Pemangku :
Rio Ijo Tahil
Apo Kagedeng Diyau Kaayi babungo pasi, Ka darat babungo Emping, ka Imbo babungo Kayu, Bapiyuk Gdang Batungku Jarang, Bakatin Sirih batatin Pinang, bakembang Lapik Bakembang Tika, Apo Pangkat Umah gedang Diyau Umah Gedang Umah Pasusun, Manyusun Tigo Kalbu Sulak Panjang, Apo Pusko Rumah Gedang Diyau
Naruhkan Bajang Imau Batali Suto, naruhkan Kungkung Padi Gedang, Naruhkan bedil dingan Silareh, Tumbak dingan Sabatang, Galiwang Duo Bilah, naruhkan Rutan duo Lidi.

Mano Uteh Bateh Dusun Sulak panjang di Mudik Koto Muaro di Hilir Koto Cempedak ka Air ka Ayi Gedang Kadarat Guguk Batungku Tigo.
Sulak panjang kalbu yang tigo,sapo menyusuk,sapo ngeluang,sapo menyencang sapo meletih iyolah Demang Sakti Burusik Di Lubuk Pirung Bulan, bumaen Di Bukit Sigenjeng Beruk serempak dengan ninik Rio Mudo
Sapo Dingan Nyacak Dusun laman iyo lah Ninik Pangulu Ajo butempat di Koto Maro
Sapo Dingan Nyusun Dusun laman iyolah Temenggung Tuo Susun Negeri, Nyusun Anak Buah Anak Kemenakan lah didalam negeri ini

Mano Arah Depati Mangku Bumi, Hilir Aro Tebing Tinggi Mudik tersekut Gunung burapi
Manolah arah ninek demang mudik lubuk sawah anggah teruh kalubuk batuah sampai kedarat tanggo bajuntai.
Manolah Arah Depati Agung Mudik Arah Jindah Putih, Hilir Sehinggo Guguk Ndah ,Belah Lujung Guguk Tinggi, belah tengah Air bayang teruh Belah Tumpun Umo Dalam Kair ka Air Gdang
Manolah arah jindah putih, sejak setanggi bedarik, hilir tempat ninek demang, ka air ka air gedang,blah mudik muaro sungai jambu ,itulah arah jindah putih
Manolah arah Temenggung adil bicaro, hilir tempat depati intan kumbalo sri, kamudik bendar sipineng, blah lujung arah depati intan,blah tumpun ayi gedang, itulah arah Temenggung

Dusun yang merupakan Ajun Arah Depati dalam  Luhah  Siulak Panjang
Talang Aro
Koto Rendah
Koto Tengah Siulak
Sungai Betung Mudik
Simpang Tutup
Sungai batu Gantih
Sungai Sirih
Sungai Gelampeh
Tanjung Genting
Sungai Nyuruk
Sungai Laheng
Sungai Renah
Dusun Tinggi
Sungai Sikai

Makam Salah Satu Penyebar Islam di Siulak Panjang  Imam Besar/ Imam Msa



Petilasan Temenggung Adil Bicaro atau Biasa disebut Ninek Baju Besi oleh Masyarakat 
                                                                                

   Makam Depati Agung dan Jindah Putih
                                                                                



 Tabuh Loyang adalah sebuah nekara Perunggu yang disimpan sebagai pusaka dan sekarang masih ada

 Makam Depati Mangku Bumi Kulit Putih Suko Dirajo
                                                                

                                                        
         Guguk Tinggi Tempat Turunnya beberapa leluhur
                                                                          



Sejarah Tabuh Sigegar Bumi
Telah menjadi adat bagi masyarakat kerinci membuat tabuh larangan sebagai pertanda Upacara Adat, Adanya Musibah/bencana, dan alat pemberitahuan bagi masyarakat kerinci, ada beberapa jenis Tabuh/beduk ini.
Pertama Tabuh Larangan yang umumnya terletak ditengah Dusun/negeri, berfungsi sebgai media pemberitahuan kepada masyarakat, Untuk Upacara adat dsb ( memiliki Multi Fungsi)
kedua Tabuh yang terletak di Rumah Gedang, biasanya untuk Upacara Adat, dan sebagai penanda Upacara Penobatan Depati, Tabuh semacam ini penulis pernah lihat di Rumah Gedang Demong Rio Bayan dusun Baru Siulak, Rumah Gedang Jagung Tuo di Dusun Dalam/Siulak Gedang, dan Rumah gedang Serajo Tumbuk Krih Siulak Gedang.
ketiga Tabuh Masjid, berfungsi sebagai penanda waktu Sembahyang, selain itu masyarakat umumnya menggunakan Ketuk sebagai penanda masuknya waktu sembahyang.
Adapun Tabuh Sigegar Bumi dibuat pada Tahun 1901 M atas dasar Musyawarah Adat Siulak Panjang yang terbuat dari kayu Banio. Kayu Banio ini tumbuh di sekitar Sungai Keliki. Pada Tahun 1917 M terjadi kebakaran Hebat yang menghanguskan dusun Siulak Panjang. Larik Panjang, Larik Pandak, Larik Layi, Lahik Tengah, Lahik Lumo habis dilalap si Jago Merah, Namun Tabuh Sigegar Bumi yang terletak di tengah Negeri tidak terbakar sedikitpun. konon katanya Tabuh Sigegar Bumi berguling sendiri dan ditemukan di Pinggir Sungai Batang Merao. Wallahualam

Tigo luhah siulak gedang

Siulak Gedang kalbu yang tigo:
1.serajo tuntut gedang,luhah serajo
2.tumenggung nyato depati,luhah tumenggung
3.jagung tuo nyato depati,luhah jagung
Manolah arah serajo tuntut gedang,hilir aro tebing tinggi,ke air arah rajo sulah depati sengado,sebelah tumpun bendar cigeng tepat di tempat nenek bujang agung itulah arah dio serajo.
Manolah arah tumenggung nyato depati,hilir bendar cigeng,ke air tanjung kemintan,mudik muaro sungai lingkat,sebelah tumpun koto aur,itulah arah tumenggung nyato depati
Manolah arah jagung tuo nyato depati,ke air ke air gedang,hilir muaro sungai lingkat,mudik guguk ndah guguk tinggi,sebelah tumpun arah tuanku imam manjek,itulah arah jagung tuo
Siulak gedang kalbu yang tigo,siapo ngan nyusuk,siapo ngan ngaluang,siapo meletih iolah nenek bujang agung.

Tigo Luhah Siulak Tanah Sekudung


Tigo luhah tanah sekudung:
1.Depati intan di siulak mukai
2.Depati mangku bumi di siulak panjang
3.Rajo simpan bumi di siulak gedang
Depati intan berempat orang:
1.Depati intan tengah padang tudung negri koto jiwa
2.Depati intan pagar bumi jati alam batuah
3.Depati intan kumbalo bumi
4.Depati intan maro basumai
Permentinyo tigo orang:
1.rajo indah
2.rajo liko
3.rajo penghulu
Apo kagedeng dio,anak tuo cucu tuo.jauh rajo kaganti rajo parak rajo kabayeng rajo,apo pangkat rumah gedang dio situ tataruh ambang yang liba situ tasangkut pukat yang panjang,pancung sulo dendo sakti,munting breh mengendap ke dalam,tebu panjang keladi berisi,apo pusako titaruh di situ namonyo cap karang hindu namonyo ulak piagam belang namonyo rak warno intan kum segalo bumi rajo
Depati mangku bumi berempat urang:
1.Depati mangku bumi suto menggalo
2.Depati mangku bumi tanah mendapo
3.Depati mangku bumi karang setio
4.Depati mangku bumi kulit putih suko berajo
Permenti nyo duo orang:
1.Rio mudo mangku bumi
2.Serajo tumbuk krih
3.Temenggung tuo susun negeri
Apo kagedeng dio,memegang kerat Kudung gabung tanah, Megangkan Gunung Muncak Luhah Dalam, Imbo dingan Mandawo,dio duduk dipintu gedang dio bajuntai dipintu kcik,kedarat ba bungo kayu, apo lah pangkat umah gedang dio umah hutan umah tanah,apo pasko titaruh disitu, situ tataruh Tembo Utan Tembo Tanah, situ Tataruh  kain cabuh talukih cindai agam,bagumbak mas babaju perak kain segabung tigo sekerat tinggan di Koto Payang dirumah pusako Rajo Hitam Tanah Mendapo tunggu balai beratap ijuk lik maro sekungkung mati,sekerat balik ke koto beringin luhah jagung merajo indah sungai langit depati merajo
Rajo simpan bumi berempat urang:
1. Rajo simpan bumi hampa setio alam
2. Rajo simpan bumi tunggun setio alam
3. Rajo simpan bumi karang setio tanah indopuro
4. Rajo simpan bumi tudung setio alam putih
Permentinyo
Serajo Tunggan
Sulah Putih Telawang Lidah

Apo kagedeng dio, ka ayi babungo ayi, ka rimbo babungo kayu, apolah pangkat umah gedang dio umah gedang umah pasusun, panyusun kito yang duo luhah, apo pasko titaruh disitu naruhkan lantak ngan idak guyih, kait ngan idak sekah, naruhkan kain curing langit , naruhkan kain Sunsang barat, naruhkan kungkung padi yang amat gedang naruhkan teropong yang amat terang cermin yang idak kabur ,nyeminkan kito yang duo luhah.